АСТАНА, 9 қаң — Sputnik. Танымал қазақстандық спортшы, воркаутер Ислам Бадругов Арнольд Шварценеггер ұйымдастырған LA Fit Expo 2017 фестивалінің арнайы қонағы атанды деп хабарлайды Қазақстанның Street Workout федерациясы баспасөз қызметі.
7 қаңтар күні Лос-Анджелес қаласында фитнес әлеміндегі ең керемет оқиғалардың бірі — LA Fit Expo 2017 фестивалінің ашылу салтанаты өтті. ҚР федерациясының бірінші вице-президенті, "салауатты өмір салты лидері" деген атпен танымал Ислам Бадругов бұл фестивалге арнайы қонақ ретінде шақырылып, шараға Қазақстан атынан қатысады.
Ислам Бадругов әлемге Арнольд Шварценеггер, Ронни Коулмэн, Сити Флетчер сынды атлеттерді танытқан Metroflex Gym залында жаттығу жасады. Сонымен бірге Metroflex Gym залында Қазақстанның туы көтерілді.
