АСТАНА, 31 жел – Sputnik. Жедел жәрдем көлігі мен Chevrolet автокөлігінің соқтығысуы салдарынан екі адам ауруханаға түсті.
Куәгердің айтуынша, көлік апаты Рысқұлов даңғылы бойында, Аэродром көшесіне жетпей болған. Chevrolet көлігі бар жылдамдығымен келіп жедел жәрдем көлігін бүйірден соққан. Оқиға куәгері апаттың қалай болғанын Sputnik Қазақстан агенттігіне айтып берді
"Chevrolet иесінің айтуынша, Рысқұлова көшесімен батысқа қарай кетіп бара жатқан. Оған қарама-қарсы ешқандай сигналсыз жедел жәрдем көлігі келе жатады, кенеттен қос тұтас сызықтан бұрылмақ болады. Chevrolet жүргізушісі рөлді бұрып үлгермей, бар жылдамдықпен келіп жедел жәрдем көлігіне соғылады. Жол апаты салдарынан жедел жәрдем жүргізушісі мен дәрігер қатты жарақат алып, ауруханаға түсті", — дейді куәгер.
