АСТАНА, 28 жел — Sputnik. "Қазгидромет" метеоқызметі 2016 жылдың соңғы үш күніне ауа райы болжамын жасады, ақпарат мекеме сайтында жарияланған.
"29-31желтоқсанда облыстардың көбінде қар жауып, боран соғып, батыс желі 15-20 м/с дейін күшейеді, бірақ ауа температурасы нормадан 2-5º С жоғары болып, қатты аяз болмайды. Оңтүстік және оңтүстік-шығыс облыстарда, оңтүстік циклонның ықпалынан, қар және сулы қар түріндегі жауын-шашын түсіп, соған орай көктайғақ пен тұман күтіледі, бұл жерлерде температура сондай-ақ климаттық мәннен жоғары болады", — делінген хабарламада.
Жаңа жыл түніне және мерекелік күндерге арналған ауа-райы болжамы 30 желтоқсанда шығарылады.
