АСТАНА, 28 жел — Sputnik. "Қазкоммерцбанк" салымшыларына жинаған қаражаттары үшін алаңдаудың қажеті жоқ деп мәлімдеді Ұлттық банк төрағасы Данияр Ақышев.
"Банктің қызметіне оң бағамды беремін, салымшылардың алаңдауына еш себеп жоқ", — деді Ақышев тілшілерге сәрсенбі күнгі жалпы отырыстан кейін.
Ұлттық банк төрағасы "Қазкоммерцбанкке" 400 миллиард теңге көлемінде қарыз берілгендігін еске салды.
"Бірақ, неге екенін білмеймін, "Қазкоммерцбанктің" дүйсенбі күні қарыздың жартысын, яғни 200 миллиард теңгені өтегенін көпшілік байқамай қалды. Демек, оған ақша керек емес. Қазір "Қазкомның" Ұлттық банк алдындағы қарызы 200 миллиард теңгені құрайды, бұл стандартталған сома, банктің активтеріне қатысты үлесі өте төмен, сол себепті бұл жерде алаңдауға еш себеп көріп тұрған жоқпын…", — дейді Ақышев.
