АСТАНА, 27 жел — Sputnik. Қазақстаннан құпия түрде кетіп қалған Radiotochka.kz сайтының бұрынғы бас редакторы Бекжан Ыдырысов сайт директоры Бигелді Ғабдуллиннің ісі бойынша куәгер болады деп хабарлады Мемлекеттік қызмет істері және жемқорлыққа қарсы іс-қимыл агенттігі басшысының орынбасары Алик Ішпекбаев.
"Ол куәгер ретінде екі рет шақырылды, оған қатысты процесстік шешімдер қабылданған емес. Шекаралық қызмет желісі бойынша да шектеулер қойылмады. Емін-еркін елден кетіп қалды. Ол тергеуден өтті, түсінігі де жеткілікті", — деді Ішпекбаев сейсенбі күні тілшілерге.
Ішпекбаевтың сөзіне жүгінсек, егер іс сотқа дейін жететін болса, Ыдырысов сотта бейне байланыс арқылы жауап береді.
