АСТАНА, 25 жел — Sputnik. Қазақстанның бүкіл аумағында жексенбі 25 желтоқсан күні құбылмалы ауа райы сақталады, қар, кей жерлерде боран, тұман, көктайғақ, желдің күшеюі күтіледі деп хабарлады "Қазгидромет" метеоқызметі.
Оңтүстікте, оңтүстік-шығыста, орталықта және солтүстік-батыста ауа райы жауын-шашынсыз болады деп күтіледі.
Сондай-ақ, Шығыс Қазақстан, Қарағанды, Оңтүстік Қазақстан, Жамбыл және Алматы облыстарында қатты аяз болуы ықтимал.
Ақмола және Қостанай облыстарында кей жерлерде боран соғып, тұман түседі, желдің күшеюі 15-20 м/с.
Алматы облысында түнде кей жерлерде тұман түседі, желдің күшеюі 15-20 м/с. Жамбыл, Атырау облыстарында кей жерлерде тұман түсіп, көктайғақ болады. Күндіз Жамбыл облысында кей жерлерде желдің екпіні 15-20 м/с.
Оңтүстік Қазақстан, Қызылорда, Қарағанды облыстарында кей жерлерде тұман түседі, Оңтүстік Қазақстан облысында күндіз кей жерлерде желдің екпіні 15-20 м/с.
Маңғыстау облысында түнде кей жерлерде желдің екпіні 15-20 м/с.
Солтүстік Қазақстан, Шығыс Қазақстан, Павлодар облыстарында кей жерлерде боран соғуы мүмкін, желдің екпіні 15-20 м/с, күндіз Шығыс Қазақстан облысында кей жерлерде желдің екпіні 15-20 м/с.