АСТАНА, 5 жел – Sputnik. Қазақстанның басым бөлігінде атмосфералық фронттың өтуіне байланысты жауын-шашын сақталады, айтарлықтай қар жауып, тек еліміздің оңтүстігінде ғана жауын-шашынсыз болады, деп хабарлайды "Қазгидромет" метеоқызметі. Қарағанды облысының кей жерлерінде бұрқасын, көктайғақ болып, тұман түседі, жел 15-20, екпіні 23 м/с күшейеді.
Павлодар облысының басым бөлігінде желдің екпіні 17-22 м/с, кей жерлерде 27 м/с күшейеді, кей жерлерде бұрқасын, көктайғақ күтіледі. Ақмола облысында жел 15-20, кей жерлерде екпіні 23-28 м/с күшейеді.
Шығыс Қазақстан облысының кей жерлерінде бұрқасын, жолдарда көктайғақ болады, жел 15-20, екпіні 23-28 м/с күшейеді. Жамбыл облысының кей жерлерінде тұман, көктайғақ болып, жел 15-20, екпіні 23 м/с күшейеді.
Солтүстік Қазақстан облысының кей жерлерінде бұрқасын болып, жел 15-20, екпіні түнде 23 м/с күшейеді.
Ақтөбе, Қостанай облыстарының кей жерлерінде тұман, бұрқасын болып жел 15-20 м/с күшейеді, Ақтөбе облысының кей жерлерінде тұман болады. Қызылорда облысының кей жерлерінде тұман болып, жел 15-20 м/с күшейеді.
Батыс Қазақстан, Оңтүстік Қазақстан, Маңғыстау облыстарының кей жерлерінде тұман болып, жел 15-20 м/с күшейеді, түнде Оңтүстік Қазақстан облысында жел 15-20 м/с, түнде Маңғыстау облысының кей жерлерінде көктайғақ болады. Атырау облысының кей жерлерінде көктайғақ болады.
