АСТАНА, 30 қар — Sputnik. Жемқорлық жасағын үшін жазасын өтеп жатқан Қазақстанның бұрынғы премьер-министрі Серік Ахметовке Тәуелсіздіктің 25 жылдығына орай жарияланған рақымшылық берілуі мүмкін деп санайды танымал заңгер Сергей Уткин.
"Жемқорлық туралы баптарға да рақымшылық берілуі мүмкін. Олардың да орташа, ауыр, аса ауыр түрлері болады. Сондай-ақ келтірілген шығын көлеміне де байланысты, үлкен немесе үлкен емес құқықбұзушылық. Сол себепті де жемқорлық туралы баптарға рақымшылық берілуі мүмкін", — деді Уткин Sputnik Қазақстан агенттігіне берген сұхбатында.
Рақымшылық берілетін қылмыстық кодекс баптарының нақты тізімі заң қабылданғаннан кейін белгілі болады.
