АСТАНА, 28 қар — Sputnik. Қазақстандық теннисші Тимур Хабибулин Александр Недовесовпен бірге Астанада өткен "Челленджер" сериясы турнирінің жұптық разрядын ұтқаны үшін Кәсіби теннисшілер қауымдастығының (АТР) жұптық разрядының дүйсенбі күні жаңартылған рейтингінде 176 сатыға көтерілді.
Жұма күні екі қазақстандық астаналық "Челленджер" жұптық разрядының финалында турнирдің бірінші жұбы – Михаил Елгин (Ресей) мен Денис Истоминді (Өзбекстан) ұтты – 7:6. 6:2. Нәтижесінде АТР жұптық рейтингінде Александр Недовесов 58 сатыға көтеріліп 222-орынды иеленсе, Тимур Хабибулин 176 сатыға көтеріліп, 313-орынды иемденді.
Жұптық разряд рейтингінің басында француз Николас Махут тұр, одан кейін екінші орында отандасы Пьер Херберт, ал үшінші орында – бразилиялық Бруно Соареш.
