АСТАНА, 23 қар – Sputnik. Алматыда екі қабатты дәмхана ғимаратында өрт шықты, өрт сөндірушілер қызметтеріне кірісіп кетті, деп хабарлады қалалық ТЖД ресми өкілі Сандуғаш Баймұхамбетова.
"Өрт туралы ақпарат 17:43-те өз көзімен көрген адамнан келіп түскен. Алдын ала берілген дереккөздерге сүйенсек, Төле би 239 мекен-жайында орналасқан екі қабатты "Ангар" мейрамханасы өртенген. Аталған жерге барлық күштер мен құралдар жіберілген", — деп хабарлады ТЖД өкілі.
Оның мәліметтеріне сәйкес, қазіргі таңда өрт сөндіру жұмыстары жүргізіліп жатыр, дәмханада адамдардың бар-жоғы анықталуда.
