АСТАНА, 16 қар — Sputnik. Павлодар өңіріндегі тоқтап қалған автобустың 35 жолаушысы құтқарылды деп хабарлады Павлодар облыстық төтенше жағдайлар жөніндегі департаменттің баспасөз қызметі Sputnik Қазақстан агенттігіне.
15 қараша күні 02:42-де Қашыр ауданындағы Омск-Майқапшағай жолында "Семей-Павлодар-Омск" бағытындағы Volvo жолаушылар автобусы дизель отынының қатуы салдарынан тоқтап қалды. Автобуста 35 жолаушы болған, олардың сегізі — қарт адамдар, жас сәбилер жоқ.
Жолда қалып қойған автобусқа 03:50-де көмекке келген Железин аудандық төтенше жағдайлар бөлімінің құтқарушылары мен Жаңабет ауылдық округының әкімі жолаушыларды Жаңабет орта мектебіне эвакуациялауға шешім шығарды. Оларға ыстық сусын мен тынығатын орын берілді.
