АСТАНА, 16 қар — Sputnik. Ақмола облысында толық, ал Павлодар облысында Астанаға қарай барар жолдың учаскесінде қоғамдық көлік қозғалысы тоқтады, деп хабарлайды ҚР ІІМ ТЖК сайты.
Күннің күрт суытуына байланысты 15 қараша күні 23:00-ден бастап, Ақмола облысында барлық бағыт бойынша қоғамдық көлік қозғалысы тоқтады. Сонымен бірге, Павлодар облысында ауа температурасының төмендеуінен 16 қараша, түнгі 00:10-нан бастап "Астана-Ерейментау-Шідерті" (205- 259 шақырым) автожолының Шідерті ауылынан Ақмола облысының шекарасына дейінгі аумағында қоғамдық көлік қозғалысы тоқтады.
