АСТАНА, 6 қар — Sputnik. Алматы қаласы қылмыстық істер бойынша ауданаралық сот төрағасының Руслан Күлекбаевтың ісіне қатысты түсініктеме бергені туралы бейнежазбаны ақпараттық қамсыздандыру бөлімінің басшысы Дияс Махамбетов Facebook парақшасына жариялады.
"Үкімнің заңды күшіне енбегеніне қарамастан, бұл істің ел назарына ілінгенін, әлеуметтік желіде өлім жазасына қатысты көптеген сұрақтардың туындауын ескере отырып, жасалған қылмыстар мен шығарылған үкімнің заңды негіздемелеріне түсініктеме ұсынып отырмыз", — деп жазылған бейнежазбаның астында.
2 қараша күні сот құқық қорғау және арнайы органдардың сегіз қызметкерін қосқанда, барлығы он адамды өлтіргені үшін және басқа да бір қатар қылмыстары үшін айыпталған Руслан Күлекбаевты өлім жазасына кескен еді.
