Алматы қаласы қылмыстық істер жөніндегі мамандандырылған ауданаралық соты сәрсенбіде құқық қорғау органдары мен арнайы қызметтің 8 қызметкерін қосқанда 10 адамды өлтірді деген айып тағылған Руслан Күлекбаевқа өлім жазасын тағайындады.
Күлекбаевпен қатар тағы да бес адам оқ ататын қаруларды заңсыз сақтап, пайдаланып, сатып алып, сонымен қатар қолдан жасағаны үшін және Күлекбаевпен бірге қарақшылық шабуыл жасағаны үшін айыпталды. Алайда олар полицейлерге жасалған шабуылға қатыспаған. Сот оларды 3 жылдан 10,5 жылға дейін бас бостандығынан айыруға үкім шығарды.
