АСТАНА, 31 қаз — Sputnik. Ақмола облысында қалааралық автобус қозғалтқыштағы қысқа тұйықталу салдарынан тоқтауға мәжбүр болып, жолаушылар қауіпсіз жерге шығарылды деп хабарлайды төтенше жағдайлар бойынша департаменттің баспасөз қызметі.
"Оқиға 30 қазан күні Ерейментау ауданында болды. Қалааралық автобус Павлодар-Астана маршрутымен келе жатқан. Сағат 22:20-да Астана-Шідерті трассасының 170 километрінде қозғалтқыш бөлігінде қысқа тұйықталу болған, бірақ әрі қарай тұтанып кетпеген", — деп хабарлады ТЖД.
Елордаға бет алған жолаушылар жолай кезіккен көлікке отырғызылды. Зардап шеккендер жоқ.
