АСТАНА, 28 қаз — Sputnik. Алматы облысында көлік апатында бес адам қаза тауып, тағы бесеуі жарақат алды деп хабарлады Sputnik Қазақстан агенттігі тілшісі.
Деректер бойынша, жол көлік апаты Алакөл ауданында Балапанов ауылы маңында "Алматы-Өскемен" тас жолының 526 км-де сағат 20:00 кейін болған. Geely SC 7 және Toyota Camry автокөліктерінің бетпе-бет соқтығысуы нәтижесінде апат болған жерде үш адам қаза тауып, екеуі ауруханада көз жұмды.
"Жол апаты фактісі бойынша бірқатар қажетті сараптамалар тағайындалды. Сот алды тергеу ісі облыстық жауап алу басқармасы қызметкерлеріне тапсырылады", — деді Алматы облысы ІІД.
