Жергілікті колледж түлектері Андрей мен Алижан Астанаға ашу-ызадан арылтатын бөлме ауадай қажет деп шешкен екен.
Реквизит ретінде бұл бөлмеде ескі жиһаз бен істен шыққан кеңсе құрылғылары қолданылады – оны тапқыр жігіттерге қала тұрғындары тегін беретін көрінеді. Әрбір келушіден кейін бөлме ішіндегі заттарды жаңарту керек.
Ерекше бөлмеге ең жиі келетін әйел адамдар екен. Олар шыңғырып айғайлап, айналасындағының бәрін талқандап, біраз жеңілдеп қалады. Ашу-ыза бөлмесімен психологтар да жұмыс істеп, қаралушыларын осы бөлмеге терапияға жібереді.
