АСТАНА, 26 қаз – Sputnik. Танымал итальян блогері Сара Ицци бейне оператор Тимур Тугалевпен бірігіп, 4К-форматтағы "Lost in Kazakhstan" деп аталатын Қазақстан жайлы тамаша бейнежазба жасап шығарды.
Бейнежазба 2016 жылы қыркүйекте Sony A7S камерасы және DJI Phantom 4 дроны көмегімен 4К-форматында түсірілген.
"Қазақстан – асқар таулар мен шалқар көлдер, жазық далалар елі. Алматы соңғы онжылдықтарда әлемнің ұлы астаналарымен деңгейлесіп, қазіргі заманғы сән мен салтанатқа толы мегаполиске айналды", — дейді Сара Ицци.
