АСТАНА, 25 қаз – Sputnik. Қазақстанның энергетика министрлігі мәліметінше, биылғы жылу беру маусымында жанар-жағармай материалдарының тапшылығы болмайды деп хабарлады ведомствоның вице-министрі Мағзұм Мырзағалиев.
Оның айтуынша, осы жылу беру маусымының күзгі-қысқы кезеңінде әлеуметтік-өндірістік нысандар 342 мың тонна көлеміндегі мазутпен қамтамасыз етіледі.
"АИ-92, АИ-93 жанармайы мен дизель отыны бағасы сұраныс пен ұсыныс негізіндегі нарықтық механизммен реттеліп отырады. Республика бойынша жанармайдың орташа бағасы 125-127 теңге – бұл 92-ші, 93-ші үшін. Ал, дизель отыны – литріне 129 теңге. Қазіргі уақытта тапшылық бола қоймайды", — деді Мырзағалиев.
21 қазандағы ахуал бойынша мұнай базасындағы қорлар көлемі АИ-92, АИ-93 жанармайы бойынша 103 мың тоннаны құрайды, ал дизель отыны бойынша - 126 мың тонна деп сөзін қорытындылады вице-министр.
