АСТАНА, 24 қаз — Sputnik. Қырғызстанның президенттік Социал-Демократиялық партиясы фракциясының шығуына байланысты парламенттік көпшілік коалициясы тарайды. ҚСДП шығуына саяси алауыздықтар себеп болды деп хабарлады социал-демократ Анвар Артыков Sputnik Қырғызстан тілшісіне.
Артыковтың мәліметінше, көпшілік коалициясы ішкі саяси алауыздықтарды шеше алмады. "Сол себепті біз альянстан кетуге шешім қабыладық", — деді саясаткер.
Сонымен қатар, партия 2015 жылғы 2 қарашадағы коалициялық келісім негізінде құрылған коалициядан шығатындығы туралы мәлімдеме таратты. Яғни парламенттік көпшілік мәртебесінен айырылу саларынан оның қызметі тоқтайды. Хабарламада келіспеушіліктердің басталғанына біраз болғаны атап көрсетілген, бірақ ҚСДП бір жыл бұрын парламенттік сайлаудан кейін құрылған коалицияны сақтап қалуға тырысқан. Соңғы уақытта парламенттің конституцияға өзгерістер енгізу жөніндегі бастамаларды талқылау барысында әріптестер арасындағы келіспеушіліктер ымыраны көтермейтіндей болған.
"Акаев және Бакиевпен (экс-президенттер Аскар Акаев пен Курманбек Бакиев) ортақ мүдделері барлармен бір коалицияда бола алмаймыз", — деп мәлім етті партияда.
Жогорку Кенеш көпшілік коалициясы төрт фракция енеді: ҚСДП (38 депутат), "Қырғызстан" (18), "Онугуу — Прогресс" (13) және "Ата Мекен" (11). ҚСДП шығуы оның тарауына әкеп соғады.
