АСТАНА, 19 қаз — Sputnik. Сәрсенбі күні Қазақстан аймақтарының басым бөлігінде атмосфералық фронтальды бөліктердің өтуіне байланысты кей жерлерде қар түріндегі жауын-шашын күтіледі, деп хабарады Қазгидромет метеоқызметі.
Синоптиктердің болжауынша, Оңтүстікте және оңтүстік-шығыста жауын-шашын мол жауады, жауын-шашынсыз күн райы тек батыста болжанып отыр. Кей аймақтарда сондай-ақ, тұман, көктайғақ, жаяу бұрқасын болады, 15-23 м/с жылдамдықта жел тұрады.
Жамбыл облысының жекелеген жерлерінде тұман, көктайғақ күтіледі, 15-20 м/с-пен соққан желдің екпіні секундына 23 метрге жетеді.
Қызылорда облысының кей жерлерінде көктайғақ, 15-20 м/с жылдамдықтағы жел 23 м/с-қа күшейеді.
Батыс Қазақстан, Қарағанды, Шығыс Қазақстан облыстарының кей жерлерінде тұман, көктайғақ күтіледі, жел 15-20 м/с күшейеді.
Ақмола, Солтүстік Қазақстан, Павлодар облыстарының жекелеген аумақтарында көктайғақ, бұрқасын болып, 15-20 м/с жылдамдықта жел тұрады.
Қостанай облысының кей жерлерінде тұман, көктайғақ, жаяу бұрқасын болады, желдің екпіні — 15-20 м/с.
