Операция 6:00-де басталды. Мұны Ирак премьер-министрі Хайдер әл-Абади теледидардан сөйлеген сөзінде жариялаған еді.
"Сын сағаты туды, ұлы жеңіске жақындап қалдық… Бүгін Найнава провинциясын азат ету операциясын бастаймыз", — деп мәлімдеді саясаткер.
Күрд қарулы күштері әуелі Мосулдың шығысында орналасқан бірнеше ауылдарды босатуы тиіс.
Rudaw агенттігінің жазуынша, Мосул шабуылына 30 мыңдай адам қатысады. Ал, қала жауынгерлерінің күші 3-4,5 мың адам деп есептелініп отыр.
Пентагонда Мосулды азат ету операциясының басталуын террористтерге қарсы күрестегі үлкен бетбұрыс деп санайды.
