АСТАНА, 17 қаз — Sputnik. Қазақстандық жергілікті сайттардың бірінде Қазақстан президенті Нұрсұлтан Назарбаевтың бұған дейін еш жерде жарияланбаған суреті жарық көрді.
Сурет Ақтөбе облыстық комсомол комитетінің бірінші хатшысы, комсомол Үкетай Байжомартовтың жеке мұрағатында сақталыпты. Суретті "АқтөбеТаймс" басылымына берген оның қызы – тілші Гүлбану Үкетайқызы.
Суреттен Үкетай Байжомартовты, оның қасында Әбсаттар Бүлдекбаевты, олардың алдында Теміртау қаласының металлургі – Қазақстанның болашақ президенті Нұрсұлтан Назарбаевты көреміз.
