АСТАНА, 5 қаз — Sputnik. Ұялы телефондарды әрлеумен айналысатын компания Ресей президенті Владимир Путиннің туған күніне орай, мемлекет басшысының барельефті портретімен безендірілген iPhone 7-нің арнайы топтамасын шығарды.
Смартфон үлгісі Supremo Putin Damascus деп аталады. Телефон дизайнының екі түрі бар: титандық гаммада және алтынмен әшекейлі би-металлды. Сатылымға 64 данасы ғана шығарылатындығы атап көрсетілген.
Жаңа телефондардың құны 207 мың рубльден басталып 232 мың рубльге дейін жетеді. Путин 7 қазанда 64 жасқа толады.
