АСТАНА, 5 қаз – Sputnik. Қазақстанның футзал (шағын футбол) бойынша құрамасы спорттың осы түрі бойынша әлем чемпионатынан кейін жаңартылған рейтингінің үздік ондығына енді.
5 қазандағы жағдай бойынша Колумбияда өткен әлемдік біріншіліктің плей-офф қатысушыларының қатарына енген қазақстандық команда алты қатарға көтеріліп, тоғызыншы орынға тұрақтанды, деп ақпараттандырады Sports.kz Futsalworldranking.be сайты.
Колумбияда өткен әлем біріншілігінде Қазақстанның футзалдан құрамасы плей-оффқа шығып, 1/8 финалда Испаниядан 2:5 есебімен ұтылды.
Рейтинг басында – әлемнің бес дүркін чемпионы Бразилия тұр, одан кейін — Испания және Ресей бар. Сонымен бірге, үздік ондыққа Аргентина, Италия, Иран, Португалия, Украина және Әзербайжан кірген.
