АСТАНА, 29 қыр — Sputnik. AstanaProTeam клубының колумбиялық велошабандозы Мигель Анхель Лопес сәрсенбіде Италияда бір күндік Милан — Турин жарысында жеңіске жетті.
Лопес 186 шақырымды 4 сағат 13 минут 36 секундта жүріп өтті.
Екінші болып "Астананың" жарысушысынан 9 секундқа қалып, Cannondale-Drapac командасынан канадалық Майкл Вуд келді.
Үшінші орында Cannondale клубынан тағы бір колумбиялық Ригоберто Уран, ол Лопестен 14 секундқа қалып қойды.
Милан — Турин жарысы 1876 жылдан бері өткізіледі және әлемдегі ежелгі сайыстардың бірі болып табылады.