Алматыдағы "Аман Келешек" балалар мәдени-спорт фестивалі

Тек Қазақстанда ғана емес, бүкіл ТМД –да баламасы жоқ "Аман Келешек" өзін коррекциялық мектеп-интернаттардан, балалар үйінен және орта білім беру мектептерінен 3000-нан астам балалар қатысатын алғашқы инклюзивті тақырыптық алаң фестивалі ретінде көрсетті.

Басқа балалар іс-шараларынан "Аман Келешек" фестивалінің ерекшелігі – оқушыға болашақта кәсіп таңдауға көмектесетін нақты ойластырылған және пәндер бөлімі бойынша кәсіптік-бағыттау бағдарламасы бар, сондай-ақ баланың шығармашылық бастауын ашуға мүмкіндік береді және салауатты өмір салты тұжырымдамалары түсінігін қалыптастырады.

Биыл фестивалдің ұйымдастыру комитеті бағдарлама бойынша қажырлы жұмыс істеді, оған тек жаңа бағыттар ғана қосып қоймай, олардың функционалдық қолданылу тұрғысынан тәжірибелік секциялар тақырыбын айтарлықтай кеңейтті.

Шеберлік сағаттарының өткізілу түрі есту және көру мүмкіндігін беріп қана қоймай, процеске қатысуға да жол ашады. Фестиваль барысында оқушылар негізінен би билеуді және театр өнерін үйренді, сазбен жұмыс істеді, өздерін кино әртістері рөлінде байқап көрді, әскери өнердің ерекшелігін байқастап, қарсыласпен күресуге қатысты.

Сонымен қатар, балалар өздерін өрт кезінде және басқа да төтенше жағдайларда қалай ұстау керектігін үйренді. Әсіресе, бұл мүмкіндігі шектеулі балаларға олардың әлеуметтенуі және қоғамда бейімделуі үшін маңызды.

Фестиваль дене мүмкіндігі шектеулі оқушыларды өздерінің сау құрдастарымен біріктіре отырып, Қазақстан Республикасындағы инклюзивті қоғамның дамуына көмектеседі.

Фестивалдің құрметті қонақтарының арасында Юрий Мельниченко, Василий Жиров, Илья Ильин, Дариға Шакимова, Назым Қызайбай, Максұт Жұмаев және басқалар болды.

"Аман келешек" 2016 жылы елдің айтулы датасы – Қазақстан тәуелсіздігінің 25 жылдығын мерекелеуге орайластырылған.