АСТАНА 20 қыр — Sputnik. Астананың сол жағалауында салынып жатқан ғимарат өртеніп жатыр, деп хабарлады агенттікке ҚР ІІМ төтенше жағдай комитеті ресми өкілі Руслан Иманқұлов.
Оның мәліметінше, Жанибек пен Керей хандар және Қабанбай батыр көшелерінің қиылысында орналасқан құрылыс нысанынан қатты түтін шыққаны туралы хабар 18:21-де түскен. Төрт минут өткен соң оқиға орнына бірінші өрт сөндіру құрылымдары келіп жетті.
Қазіргі уақытта 20 адам мен 5 техника бірлігі өртті сөндіруде. Алдын ала дерек бойынша, нысанның каптамасы өртенуде.
