АСТАНА 19 қыр — Sputnik. Қазақстан президенті Нұрсұлтан Назарбаев Атлетикалық ауылды аралау барысында домбыра тартты.
Елбасы Алматыға жұмыс сапары барысында "Дәстүрлі музыка мультимедиялық орталығында" болды. Онда Ықылас атындағы халық аспаптары музейі, Әбілхан Қастеев атындағы мемлекеттік музей, Алматы қаласының тарих музейі, сондай-ақ мемлекеттік мұрағаттар қорларынан алынған қазақ өнерінің көрнекті қайраткерлері қолданған бірегей аспаптар көрермендер назарына ұсынылған.
Нұрсұлтан Назарбаев орталыққа өзінің жеке домбырасы мен әйгілі күйші Дина Нұрпейісоваға арналған "Дала әуендері" атты мүсінді тарту етті.
