14:16 29 Қаңтар 2022
Тікелей эфир
  • USD433.83
  • EUR482.81
  • RUB5.57
Әлемде
Қысқа сілтеме алу
COVID-ке қарсы вакцина (447)
42 0 0

Еуропа елдері санитарлық шараларды күшейтіп, тіпті локдаун жариялау мүмкіндігін қарастырып жатыр

НҰР-СҰЛТАН, 2 желтоқсан — Sputnik. Еуропа комиссиясының төрағасы Урсула фон дер Ляйен Еуроодақ вакциналауды міндеттеу мәселесін қарастыруға тиіс екенін айтты.

Вакциналау деңгейі жоғары болғанымен, қазан айынан бастап Еуроодаққа мүше елдердің көбінде індет қайта өршіп кетті. Дегенмен індеттің бұрынғы толқындарымен салыстырғанда, ауруханаға жататын науқастар мен өлім саны азайған, деп хабарлады "Хабар 24".

Оқи отырыңыз: Цой ДДСҰ басшысынан қазақстандық вакциналарды тезірек тіркеуді сұрады 

Еуропа елдері санитарлық шараларды күшейтіп, тіпті локдаун жариялау мүмкіндігін қарастырып жатыр. Еурокомиссия жариялаған мәлімдемеде Еуроодақ елдері коронавирустың жаңа омикрон штамының тарауына байланысты сапар жасауға шектеу енгізуге және тез арада халыққа үшінші екпе салуға дайын болуы керек делінген.   

"Еуропалықтардың үштен бір бөлігі вакцина салдырмаған. 150 миллион адам, бұл өте көп. Иә, бәріне бірдей екпе алуға болмайды. Арасында кішкентай балалар мен сырқатқа шалдыққан адамдар бар. Алайда халықтың басым бөлігі вакцина салдыра алады екен. Сондықтан қазір вакциналауды міндеттеу туралы пікірді талқыға салу қажет деп санаймын", - деп атап өтті Урсула фон дер Ляйен.

Ғылымға сүйенсек, тек толық вакциналау мен үшінші екпені салу ковидке қарсы қорғанысты қамтамасыз етеді.

Тақырып:
COVID-ке қарсы вакцина (447)
Кілт сөздер:
вакцина, коронавирус, Еуропа
Загрузка...

Басты тақырып