Әлем

АҚШ пен Ұлыбритания Ауғанстандағы әскерін қашанға дейін шығаруы қажет

© AFP 2024 / SHAH MARAI5 марта 2007 г., американский солдат во время патрулирования Международных сил содействия безопасности (ISAF) под руководством НАТО в провинции Фарах в Афганистане. Война в Афганистане, начавшаяся после терактов 11 сентября, унесла жизни десятков тысяч афганцев и около 2400 американских солдат
5 марта 2007 г., американский солдат во время патрулирования Международных сил содействия безопасности (ISAF) под руководством НАТО в провинции Фарах в Афганистане. Война в Афганистане, начавшаяся после терактов 11 сентября, унесла жизни десятков тысяч афганцев и около 2400 американских солдат - Sputnik Қазақстан, 1920, 23.08.2021
Жазылу
Талибан* АҚШ пен Ұлыбритания белгіленген күнге дейін елден әскерін шығармаса, салдары болатынын айтты

АЛМАТЫ, 23 тамыз – Sputnik. Талибан* 31 тамызға дейін АҚШ пен Ұлыбритания әскері Ауғанстаннан шығуы қажет екенін айтты. Бұл туралы Sky News телеарнасына берген сұхбатында қозғалыс өкілі Сухейл Шахин мәлімдеді.

Оның айтуынша, тәлібтер АҚШ пен Ұлыбританияға эвакуация үшін қосымша уақыт бермейді. Егер аталған елдер жаз соңына дейін әскерін елден шығармаса, салдары болуы мүмкін.

"Бұл қызыл шекара. Президент Байден 31 тамызда барлық қарулы күшті шығаратынын мәлімдеді. Сол себепті олар уақытты ұзартса, бұл оккупацияны кеңейтіп жатыр дегенді білдіреді. Ол біздің арамызда сенімсіздік тудырады. Егер олар жаулап алуды жалғастыратын болса, біздің тараптан қарсы әрекет болады", - деді Шахин.

Ұлыбритания премьер-министрі Борис Джонсон АҚШ президенті Джо Байденнен Ауғанстандағы америкалық әскерді шығару мерзімін ұзартуды сұрауға ниетті болған.

Ауғанстандағы жағдай Талибан* қозғалысының өкілдері билікке келгеннен кейін шиеленісе түсті. Шетелдік қызметкерлер мен миссияларда жұмыс істейтін ауғанстандықтарды эвакуациялау Кабулдағы жалғыз әуежай арқылы жүзеге асырылады. Ол жер АҚШ пен НАТО елдері әскери күшінің бақылауына алынған.

Талибан* – Қазақстанда, Ресейде және бірқатар елде тыйым салынған террористік ұйым.

Жаңалықтар
0