НҰР-СҰЛТАН, 11 тамыз — Sputnik. Түркиялық актриса Сабина Тозия 75 жасына қараған шағында көз жұмды.
Бұл туралы Хюррем-сұлтан рөлін сомдаған Мерием Өзерли жазды, деп хабарлайды РИА Новости.
"Мен сені жақсы көремін. Біз үш керемет жобада бірге жұмыс істедік. Кеше сен өмірден оздың. Жүрегім қайғыдан жарылып кететіндей", - деп жазды ол.
"Жүрегім қайғыдан жарылып кететіндей", - деп жазды Өзерли
© Photo
Өлімнің себебі нақты айтылған жоқ. 2021 жылдың басында актрисаға ми ісігі диагнозы қойылғаны белгілі.
Оған сәтті ота жасалды. Алайда денесінің кей бөлігі сал болып қалды.
"Сүлеймен сұлтан" сериалында Афифе-Хатун рөлін сомдады
Сабина Тозия 1946 жылы 17 сәуірде Солтүстік Македонияның Скопье қаласында дүниеге келген.
2011-2014 жылдары көгілдір экранға шыққан "Сүлеймен сұлтан" сериалында Афифе-Хатун рөлін сомдады.
