НҰР-СҰЛТАН, 2 тамыз – Sputnik. Даниялық ютьюбер Альберт Дирлунд Италиядағы Альпі тауларында ролик түсіру кезінде құздан құлап кетті, деп жазады РИА Новости.
22 жастағы блогер Валь-Гардендегі Сечеда тауында байқаусызда аяғы тайып кетіп, 200 метр биіктіктен құлаған. Құтқарушылар оған көмектесе алмады, жас жігіт оқиға орнында мерт болды.
Альберт Дирлундтың YouTube каналында 175 мыңға жуық, ал Instagram-да 200 мыңнан астам жазылушысы болған.
