НҰР-СҰЛТАН, 2 сәуір - Sputnik. Тайваньда жолаушылар пойызы апатқа ұшырап, салдарынан кем дегенде 40 адам қаза тапты, деп хабарлайды РИА Новости.
Төтенше жағдай Хуаялянь уезіндегі Дацин туннелінде жергілікті уақытпен сағат 09.00-де (Нұр-Сұлтан уақытымен 07.00-де) болды.
Breaking: Fire department says several feared dead and injured after a train carrying around 350 passengers derailed in a tunnel in Hualien County, Taiwan. (Video via 鄭榮貴 on Facebook) pic.twitter.com/WTyMeoXJQ1
— PM Breaking News (@PMBreakingNews) April 2, 2021
Алдын ала мәліметке сәйкес, сегіз вагоннан тұратын пойыз туннельдегі жолдың тастарын тазалап жатқан көлікпен соқтығысқан. Екінші және үшінші вагон рельстен шығып кеткен.
Қайғылы оқиғадан кем дегенде 40 адам қаза тауып, 60-тан астамы жарақат алды деп хабарланды. Пойыз 350 жолаушыға есептелген.
#BREAKING: At least 36 dead, 72 trapped after train derails inside tunnel in Taiwan. pic.twitter.com/9godXxea7k
— UA News (@UrgentAlertNews) April 2, 2021
Қазіргі уақытта құтқару операциясы жүріп жатыр. Вагондарда 72 адам қалып қойған. Көз жұмғандар саны әлі де артуы мүмкін.
