23:29 15 Қаңтар 2021
Тікелей эфир
  • USD420.71
  • EUR516.13
  • RUB5.65
Әлемде
Қысқа сілтеме алу
4295 0 0

Қауіпті астероид Жер ғаламшарына 13-нен 14 қаңтарға қараған түні барынша жақындайды деп болжанып отыр

НҰР-СҰЛТАН, 11 қаңтар – Sputnik. Астрономдар алдағы екі күнде Жерден шамамен сегіз миллион шақырым қашықтықта 2020 WU5 астероиды ұшып өтетінін мәлімдеді.

Аспан денесі орбитасының траекториясы НАСА реактивті қозғалыс зертханасының сайтында көрсетілген, деп хабарлайды РИА Новости.

2020 WU5 астероиды 2020 жылы 29 қарашада NEOWISE ғарыш телескопынан алынған суреттерді зерделеу барысында табылды. Ал 4 желтоқсанда ол Халықаралық астрономиялық одағының кіші ғаламшарлар электронды нұсқаухатына енгізілді.

Аспан денесі "аполлондар" тобына – жер орбитасын сыртқы жағынан кесіп өтетін жер маңы нысандарына жатады. Ғалымдардың бағалауынша, оның диаметрі 0,5-тен 1,1 шақырымға дейін барады.

Астероид Жерге 13-нен 14 қаңтарға қараған түні барынша жақындайды деп күтілуде.

Астрономиялық нысанды объектив диаметрі 200 миллиметрден асатын телескоппен тамашалауға болады.

Астероид Жерден әжептәуір алыста ұшып өтсе де, ол қауіпті аспан денесіне жатқызылып отыр.

Кілт сөздер:
астероид, жер
Загрузка...

Басты тақырып