20:38 28 Қараша 2020
Тікелей эфир
  • USD423.87
  • EUR505.25
  • RUB5.59
Әлемде
Қысқа сілтеме алу
Коронавирус эпидемиясы (1816)
1458 0 0

Ғалымдар COVID-19-бен ауырып шыққан адамдарда пайда болған иммунитет қаракүзеннен жұғатын вирустан қорғай алмайды деп санайды

НҰР-СҰЛТАН, 22 қараша – Sputnik. Данияда қаракүзендер жұқтырған коронавирус мутацияға ұшырады. Вирустың жаңа түрі әлдеқайда жылдам таралады, деп мәлімдеді Джордж Мейсон университеті Жүйелі биология мектебінің профессоры Анча Баранова.

"Мутацияға ұшыраған штамм вирусты көп бөледі. Егер бұл инфекция адамдар арасында тарала бастаса, неге әкеп соғуы мүмкін? Былайша айтқанда, "супертаратушылар" көбейеді. Бұл індетке шалдыққандар вирусты өте көп адамға жұқтыруы мүмкін", - деді Баранова.

Ғалымдар жануардан алынған вирустың жаңа штаммы бастапқыдан ерекшеленетінін анықтады.

Тағы оқыңыз: Оңтүстік Корея COVID-тің үшінші кезеңі басталғаны туралы мәлімдеме жасады

Биологтың айтуынша, қазір Данияда коронавирус жұқтырған қаракүзендердің ағзасында өзгеріске ұшыраған инфекция туралы ғылыми зерттеу жарияланбақ, деп хабарлайды РИА Новости.

Зерттеушілер COVID-19-бен ауырып шыққан адамдарда пайда болған иммунитет оны қаракүзендер тарататын коронавирустан қорғай алмайды деп санайды. 

Қаракүзендер арасында таралған коронавирус

Данияның премьер-министрі Метте Фредериксен 4 қарашада елдегі бүкіл қаракүзенді қырып тастау қажет екенін мәлімдеді. Айтуынша, олар мутацияланған коронавирусты адамдарға жұқтыруы мүмкін.

Биліктің пайымынша, бұл вирус антиденелердің түзілу процесін баяулатып, COVID-19-ға қарсы вакциналардың тиімділігін әлсіретеді.

Бір аптадан кейін Дания билігі тиісті заң қабылданғанға дейін коронавирусқа байланысты барлық қаракүзенді жоюды талап еткені үшін кешірім сұрады. Алайда адамзатты құтқару үшін оларды қыру идеясынан бас тартқан жоқ.

Тақырып:
Коронавирус эпидемиясы (1816)
Кілт сөздер:
ғалымдар, коронавирус
Загрузка...

Басты тақырып