Әлем

Ғалымдар мезгілсіз өлімнің белгілерін атады

CC0 / pixabay.com / Мужчина измеряет объем живота, иллюстративное фото
Мужчина измеряет объем живота, иллюстративное фото - Sputnik Қазақстан
Жазылу
Ғалымдар қарынға жиналған майдың қаупін анықтау мақсатында 70-тен астам ғылыми жұмысты қарап шыққан

НҰР-СҰЛТАН, 25 қыркүйек – Sputnik. Адамның дене салмағы нормаға сай болып тұрса да, қарынға жиналған май мезгілсіз өлімнің қаупін күшейтеді. Иран мен Канаданың ғалымдары осындай шешімге келді, деп хабарлады MedicalXpress порталы.

Ғалымдар тобы қарындағы майдың жиналуы мен сан алуан себептерден болған өлім-жітімнің арасындағы байланысты зерделеп, осы мәселе бойынша 70-тен астам ғылыми жұмысты қарап шықты.

"2,5 миллион еріктінің денсаулығына қатысты мәлімет жан-жақты зерттелді. Осы кезде мамандар бел мен санның көлеміне, екеуінің ара қатынасына, денедегі майдың мөлшеріне және тағы басқа көрсеткіштерге баса назар аударған", – делінген ақпаратта. 

Зерттеудің нәтижесінде ғалымдар маңызды бір шешімге келді. Оған сәйкес, қарында май қыртыстары бар пациенттердің ерте қайтыс болу көрсеткіші жоғары.

Мәселен, белдегі майдың көлемі 10 сантиметрге артқан сайын мезгілсіз өлімнің қаупі 11 процентке көтеріледі. Ал белдің санмен немесе боймен ара салмағы 0,1-ке (интернетте арнайы калькулятор бар – Sputnik) көбейсе, ерте қайтыс болу көрсеткіші 20 процентке ұлғаяды.

"Демек, қарындағы майдың жиналуына қарап, мезгілсіз өлімнің қаупін анықтауға болады", – дейді ғалымдар.

Оқи отырыңыз: "Бір жылда 13 ай болу керек": қазақстандық ғалымдар тұрақты күнтізбе ойлап тапты

Жаңалықтар
0