Әлем

Черногорияның оппозиция көшбасшысы Батыс санкцияларына қатысты пікір білдірді

© Sputnik / Варвара Гертье / Медиабанкке өтуВид на город Будва в Черногории
Вид на город Будва в Черногории - Sputnik Қазақстан
Жазылу
30 тамызда өткен сайлаудың алдын ала мәліметтеріне сәйкес, отыз жылдан астам уақыттан бері алғаш рет оппозиция үшін дауыс бергендер саны билік партиясын жақтаушылардан басым түсті

НҰР-СҰЛТАН, 2 қыркүйек – Sputnik. Ресейге қатысты Батыс санкцияларына Черногорияның қолдау блдіруі қателік болды. "Черногория болашағы үшін" оппозициялық коалициясының көшбасшысы Здравко Кривокапич осындай мәлімдеме жасады, деп жазады РИА Новости.

"Біз шағын мемлекетпіз. Сондықтан, қанша қаласа да, біз жаһандық деңгейде ешқандай ықпал ете алмаймыз. Істің басында кім тұрғаны белгілі. Сол себепті, осындай шағын мемлекет Ресей Федерациясына қатысты санкциялар енгізіп жатқан бірінші ел болуы дұрыс болмады", - деді оппозициялық көшбасшы.

Оның айтуынша, санкциялар экономикалық шығындарға алып келді.

"Біз Plantaze шарабын экспорттағанымызды, Сербия, Босния және Герцеговина, Ресейден туристер ретінде қонақтар көп келетінін ғана еске салғым келеді", - деді Кривокапич.

Производство вакцины от COVID-19 на фармацевтическом заводе Биннофарм - Sputnik Қазақстан
Қоғам
Қазақстан мен Ресей коронавирусқа қарсы вакцинаны жеткізу туралы келісімге қол қойды
Бұған дейін берген сұхбатында ол елдегі демалушылардың басым бөлігін құрайтын Сербия, Босния және Герцеговина, Ресей азаматтары үшін COVID-19 пандемиясына байланысты Черногория шекарасын жабу биліктің мұқият ойланбаған қадамы болғанын айтты.

Ірі оппозициялық коалиция көшбасшысы, сондай-ақ, "тарихи байланысы мен ел экономикасына қосқан үлесін үшін Ресей Черногориямен жақсы қарым-қатынасқа лайық" екенін атап өтті.

Черногорияда сайлау 30 тамызда өтті. Алдын ала мәліметтерге сәйкес, 30 жылдан астам уақыттан бері алғаш рет оппозиция үшін дауыс бергендер саны президент Мило Джукановичтің демократиялық социалистер партиясын жақтаушылардан басым түсті.

Дүйсенбі күні сайлауға бақылау жасаған үкіметтік емес ұйымдар, ОБСЕ миссиясы, АҚШ пен Ұлябритания елшілігі сайлаудың заңдылығы мен оның қорытындысын мойындады. Күндіз "Черногория болашағы үшін" ірі оппозициялық коалициясының көшбасшысы Здравко Кривокапич, URA оппозициялық қозғалысының көшбасшысы Дритан Абазович пен "Демократтар" көшбасшысы Алекс Бечич кездесу өткізіп, алдағы ынтымақтастық қағидалары мен "Черногорияның келешек үкіметін құру мен азаматтардың қалауын жүзеге асыру" жайын талқылады.

Жаңалықтар
0