Әлем

Коронавирус салдары қандай болады - мамандар болжам жасады

© Sputnik / Тимур БатыршинГруз гуманитарной помощи приняли в аэропорту Алматы
Груз гуманитарной помощи приняли в аэропорту Алматы  - Sputnik Қазақстан
Жазылу
Дүниежүзілік азық-түлік бағдарламасының өкілі коронавирус пандемиясынан кейін әлемде аштық пандемиясы болуы мүмкін деп болжайды

НҰР-СҰЛТАН, 22 сәуір – Sputnik. БҰҰ Дүниежүзілік азық-түлік бағдарламасының атқарушы директоры Дэвид Бисли әлем бойынша 130 миллионға жуық адам коронавирустық пандемияның салдарынан өлімге ұшырауы мүмкін деп мәлімдеді. Бұл туралы РИА Новости хабарлады.

Оның айтуынша, коронавирус пандемиясынан кейін аштық пандемиясы болуы мүмкін.

"Егер сіз қазір әрекет жасамасаңыз... бірнеше айдан кейін біз шынымен інжілдік ауқымда ашаршылыққа тап болуымыз мүмкін екенін ескертемін", – деді Бисли БҰҰ қауіпсіздік кеңесінің отырысында.

Ол қақтығыс аймақтарында өмір сүретін миллиондаған бейбіт тұрғын, әйелдер мен балалар аштық алдында тұрғанын айтады. Ал әлем бойынша күн сайын 821 миллион адам аш қалып жатыр.

Оқи отырыңыз: Тоқаев: Коронавирус індеті – адамзатқа төнген аса қауіпті қатер

"Қазіргі кезде жер шарында 135 миллион адам аштыққа ұшырауда. Ал Дүниежүзілік азық-түлік бағдарламасы 2020 жылдың соңына дейін коронавирус зардабын қоса есептегенде, тағы 130 миллион адам аштықтың зардабын тартуы мүмкін деп болжайды. Бұл барлығы 265 миллион адам", – деді бағдарламаның атқарушы директоры.

Осылайша, Бисли COVID-19 індетіне қарағанда коронавирустың экономикалық салдарынан көп адамның өмір сүру қаупі жоғары екенін айтып отыр.

Жаңалықтар
0