Әлем

Жүз он бір жыл жасаған қария өлімнен қалай "қашқанын" әңгімелеп берді

CC0 / Bernd Schray / Қария, архивтегі сурет
Қария, архивтегі сурет - Sputnik Қазақстан
Жазылу
Ұлыбритания тұрғыны әлі күнге дейін қаражатты өз еңбегімен табады

НҰР-СҰЛТАН, 31 наурыз - Sputnik. Ұлыбритания тұрғыны Боб Уэйтон "өлімнен қашып жүріп" 111 жасқа келгенін айтады, деп хабарлайды Sky News.

Қария қиындықпен күресудің арқасында ғана осы жасқа жеттім деп отыр.

"Адам болғасын жұрт секілді мен де сырқатқа шалдықтым. Тұмау мен суық тиетін. Екі-үш ота жасаттым", - дейді ол.

Қария адамдардың өзіне аса көп көңіл бөлгенін қаламайтынын жасырмады. Тіпті Елизавета II патшайым атынан жыл сайын жолданатын құттықтау хаттан да бас тартқан. Ол әлі күнге дейін қажетті азық-түліктің бәрін өзі сатып алады. Енді туған күніне сыйланған "Боб, 111 жас" деген жазуды өзімен бірге алып жүреді. 

Тағы оқыңыз: Ұзақ өмір сүру үшін қандай тамақ жеген жөн

"Күн сайын ботқа жеп, сүйікті ісіңмен айналысу да ұзақ өмір сүруге септеседі",- дейді қария.

Кезінде ұстаз және инженер болған Уэйтон әлі күнге дейін ағаштан бұйым жасап сатады. 

Қарияның айтуынша, ол 111 жыл өмір сүру жеткілікті деп санаған. Ал қазір болашаққа жаңа жоспар құрып отыр. Бобтың екі ұлы, бір қызы, он немересі мен жиырма бес шөбересі бар.

Жаңалықтар
0