АСТАНА, 24 сәуір — Sputnik. Қырғызстан Ыстық-Көл облысы Ақ-Су ауданы Жырғалан ауылында бір тәуліктен кейін екі шахташы аман табылды, деп хабарлайды Sputnik Қырғызстан.
Жер асты суларының жарылуынан сенбі, 22 сәуір күні сағат 16.30-да шахтада опырылу орын алды. Ол кезде шахтада екі адам болған. Үйіндінің астында қалған кеншілерді 200 адам іздеген. Бір тәулік өткен соң құтқарушылар олардың дауыстарын есітеді. Кейін белгілі болғандай, кеншілер су баспаған кеңістік тауып алып, сол жерде құтқарушыларды күткен.
