Видео

Түтін, гүрсіл, полициямен қақтығыс: Алматыдағы митингіде не болды – видео

Жазылу
Алматыда 5 қаңтарға қараған түні рұқсат етілмеген митинг тәртіпсіздіктер мен күш құрылымдарының өкілдерімен қақтығысқа ұласты. Наразылық білдірушілер Республика алаңына жиналды. Ол жерде не болғанын Sputnik Қазақстан видеосынан көріңіз
Sputnik Қазақстан тілшісі оқиға орнынан хабарлағандай, Республика алаңына мыңға жуық адам шықты. Бір топ адам қала әкімдігінің ғимаратына басып кірмек болды.
Демонстранттар әртүрлі көңіл-күйде болды. Наразылық білдірушілер алаңға келе салысымен полицияға қар мен бөтелке лақтыра бастады.
Кейбір наразылық білдірушілер оларды тоқтатуға тырысқанымен, одан ештеңе шықпады.
Жастар қоршауларға тап беріп, оларды бұзып, полиция қоршауын тықсыра бастады. Полиция қарсы күш қолданбады, тек өздерін қорғады.
Жарық шу гранаталары мен көзден жас ағызатын гранаталар қолданылды.
Жиналғандар бір полиция қызметкерін ұрып-соғып, бірнеше полиция көлігін қиратты.
Маңғыстау облысында газ бағасының күрт өсуіне байланысты Қазақстанда Жаңа жылдан кейін бірден наразылықтар басталды.
Президент Қасым-Жомарт Тоқаев Қазақстан халқын ішкі және сыртқы арандатушылыққа берілмеуге шақырды.
Тоқаев наразылық білдірушілердің барлық заңды өтініші мен талаптары мұқият қаралып, тиісті шешімдер қабылданатынын атап өтті.
  
Жаңалықтар
0