Видео

Тілсіз жаудың алдын алу: елордалық өрт сөндірушілер оқу-жаттығу өткізді – видео

Жазылу
Байқоңыр ауданы әкімдігі төтенше жағдайлар басқармасымен бірлесіп "Магнум" супермаркетінде өрт-тактикалық сабақтарын өткізді

Байқоңыр ауданының төтенше жағдайлар басқармасында өртке қарсы оқу-жаттығулар сабақтардың ауқымдылығымен және жеке құрамның санымен ерекшеленетіні түсіндірілді. Оның ішінде өрт - тактикалық оқу-жаттығуларды өрт сөндіру бөлімдерінің басшылық құрамы, ал оқу-жаттығуларды гарнизондардың басшылары өткізеді.

Жыл басынан бері Байқоңыр ауданында 90 өрт-тактикалық оқу-жаттығуы мен сабақтар өткізілді.

"Магнум" супермаркетінде өткен өртке қарсы сабақтарға 4 бірлік техника мен жеке құрамның 17 адамы жұмылдырылды.

"Бағдарлама аясында тактика және арнайы дайындық бойынша "Магнум" сауда үйінің объектісінде өрт-тактикалық сабақтар өткізілді. Бұл сабақтардың негізгі мақсаты - жеке құрамды объектімен, сыртқы және ішкі өртке қарсы сумен жабдықтау, сөндіру жүйесімен таныстыру, сондай-ақ персоналмен өзара іс-қимыл яғни, келушілерді, қызметкерлерді эвакуациялау пысықталуда", - деді өрт сөндіру және авариялық-құтқару жұмыстарын ұйымдастыру бөлімінің бастығы Саят Тәжімов.

Сабақ барысында өрт сөндірушілер тоңазытқыш қондырғыларында шартты өртті сөндіруді пысықтады. Сабаққа №7 мамандандырылған өрт сөндіру бөлімінің, сондай-ақ көрші №16 өрт сөндіру бөлімінің өрт сөндірушілері келді.

Басқармада сабақтар әр өрт сөндіру бөлімінде айына екі рет күндізгі және түнгі уақытта өткізілетінін атап өтті.

Оқи отырыңыз: 

 

 

Жаңалықтар
0