Елордада "Қолжетімді спорт" жобасы бастау алды. Оның аясында астаналықтар спорттың 11 түрі бойынша ашық ауада жаттығуларға қатыса алады. Сабақтарды білікті жаттықтырушылар тегін өткізеді, деп хабарлайды Нұр-Сұлтан әкімдігінің ресми сайты.
Жоба мемлекет басшысының Қазақстан халқына жолдауының міндеттерін жүзеге асыруға сәйкес, қалалық әкімдіктің қолдауымен қалалық дене шынықтыру және спорт басқармасының бастамасымен жүзеге асырылуда.
"Негізгі мақсаты – бұқаралық спортты дамыту. Жаттығу алты саябақта және екі алаңда өтеді. Аптасына үш рет – сейсенбі, бейсенбі және сенбі күндері сағат 17:00-ден 19:00-ге дейін қатысуға болады. Барлығы тегін өткізіледі. Жоба осы жылдың соңына дейін жалғасады. Қыста фитнес сабақтар қысқы спорт түрлеріне – шаңғы және коньки тебуге ауыстырылады", – деді Нұр-Сұлтан қаласы әкімдігінің спорттық-бұқаралық іс-шараларды өткізу дирекциясының спорт бөлімінің басшысы Еділ Айтбаев.
Ашық жаттығулар қала тұрғындары арасында, балалардан бастап қарт адамдарға дейін қызығушылыққа ие.
Жоба туралы толық ақпарат алу үшін Instagram әлеуметтік желісіндегі @Dostupnyi_sportkz парақшасына кіруге болады.
Посмотреть эту публикацию в Instagram