Нұр-Сұлтан қаласының Бірлескен музейлер дирекциясы басшысының орынбасары Мейрам Ораловтың есептеуінше, астанада тарихи тұлғаларға арналған елуден астам ескерткіш бар.
Тек биыл ғана қазақтың танымал тұлғалары - Дина Нұрпейісова, Қаныш Сәтпаев, Әлихан Бөкейханов, Ахмет Байтұрсынұлы, Міржақып Дулатов пен екі мәрте Кеңес одағының батыры Талғат Бигелдиновтің мүсіндері бой көтерді.
Мейрам Ораловтың пікірінше, елінің, жерінің дамуына үлес қосқан, тіпті жанын пида еткен тұлғаларға ескерткіш орнату - кешегі тарихты ұмытпағанымыздың белгісі.
