Таиландтың адам көп жүретін көшелерінің бірінде мысық пен екі метрлік жылан арпалысты.
Жағдай сол жерден өтіп бара жатқан жүк көлігінің камерасына түсіп қалған. Кадрда мысық аман қалу үшін барын салғанын көруге болады. Бірақ жылан оны орап алды.
Көлік жүргізушісі мен жолаушылар мысыққа көмекке ұмтылды. Өзге адамдар да жыланды таяқпен ұра бастады.
Жылан мысықты босатуға мәжбүр болды. Қашуына тура келді. Ал мысық бірер секундтай қозғалмай жатты.
