Қазақстанның сыртқы істер министрі Мұхтар Тілеуберді ресейлік әріптесімен бірлесе баспасөз мәслихатын өткізді.
Қазақстандық министр Мәскеуге Шанхай ынтымақтастығы ұйымы сыртқы істер министрлері кеңесінің отырысына қатысуға барған болатын.
Екі елдің сыртқы саяси ведомство басшылары әскери әріптестік, энергетика және ғарыш мәселелерін талқылады.
Сондай-ақ, күн тәртібінде еуразиялық интеграциялық процестер сөз болды.
Бұл жыл басынан бері екі министрдің алғаш кездесуі.
