Видео

Рақымжан Қошқарбаевтың Рейхстагқа тіккен Жеңіс туы қайда – видео

Жазылу
Ертең Ұлы Отан соғысының аяқталғанына 74 жыл толады. 4 жылға созылған сұрапыл соғыста 27 миллион кеңес әскері қаза болды. Майданға Қазақстаннан 1,8 миллион адам аттанған болатын. Олардың жартысы елге оралған жоқ.

Сұрапыл соғыста қазақтандықтар жанкештілікпен соғысты. Отан үшін от кешкен азаматтың бірі – Халық Қаһарманы Рақымжан Қошқарбаев. Ол – фашист әскерлерінің тегеурінді шабуылына қарамастан, Жеңіс туын бірінші болып Рейхстагқа тіккен жауынгер.

Тағы оқыңыз: Рақымжан Қошқарбаев туралы не білеміз?

"1945 жылдың 30 сәуірінде кеңес әскерлерінің Рейхстагқа шешуші шайқасы басталды. Оған 270 метр жер қалған кезде кеңес әскері алға жылжи алмай тоқтап қалды. Себебі, сол уақытта ұрыстар әлі жалғасып жатқан еді. 150-атқыштар дивизиясының лейтенанты Рақымжан Қошқарбаев пен қатардағы сарбаз Григорий Булатов жанкештілікпен соғысады. Осылайша, олар Рейхстагқа бірінші барып, Жеңіс туын тікті. Рақымжан Қошқарбаевтың тіккен Қызыл туын көрген Кеңес әскері рухтанып, Рейхстагқа бас көштеп кіріп кеткен болатын", - дейді ұлттық әскери-тарихи музейдің экскурсия жүргізушісі Дәулет Қадыров.

Ал 2015 жылы бұл тудың көшірмесі Қазақстанға жеткізілді.

Тағы оқыңыз: "Айыбым – тірі қалғаным" "Түнгі мыстан" атанған Хиуаз Доспанова

Ұлттық әскери-тарихи музейінің экскурсия жүргізушісі Дәулет Қадыров Sputnik Қазақстан тілшісіне Рақымжан Қошқарбаевтың Рейхстагқа тіккен Жеңіс туының көшірмесі Қазақстанға қалай жеткізілгенін айтып берді. Толығырақ видеодан көре аласыз.

Жаңалықтар
0