НҰР-СҰЛТАН, 28 шілде – Sputnik. Әлеуметтік желіде Токио Олимпиадасында түсірілген видео тарап кетті. Онда германиялық бапкер шәкіртін сілкілеп, шапалақпен екі рет ұрған, деп хабарлады LADbible сайты.
Видеодан 63 салмақ дәрежесінде өнер көрсеткен дзюдошы Мартине Трайдосты бапкері Клаудиу Пуса тоқтатып, бір сілкілеп алғанын көруге болады. Одан кейін екі рет шапалақпен ұрған. Ал спортшы басын бір изеп, татамиге шығады.
A czo tu się odpoliczkowało w ogóle?! pic.twitter.com/mX2r9rMMTA
— Mischa Von Jadczak (@michaljadczak) July 27, 2021
Осы видеодан кейін желі қолданушылары бапкерді сынға алды. Мартине Трайдос өз парақшасында бапкердің әрекетін түсіндірді.
"Бұл – біздің салтымыз және менің таңдауым. Жарыстың алдында ылғи солай істегенді қалаймын. Ал бапкер мені ширату үшін қалауымды орындайды", - деп жазды Трайдос.
Айта кеткен жөн, Германия дзюдошысы іріктеу жарыстары кезінде ұтылып қалды.
