НҰР-СҰЛТАН, 7 маусым – Sputnik. Қазақстандық теннисші Елена Рыбакина америкалық Серена Уильямсты екі сетте 6:3 және 7:5 есебімен жеңіп, алғаш рет "Ролан Гаррос"-тың жартылай финалына шықты, деп хабарлайды Sputnik Қазақстан.
21 жастағы Рыбакина 39 жастағы Серена Уильямспен алғаш рет кездесті. Франциядағы ашық чемпионатта Елена 21-нөмірмен, ал Серена 7-нөмірмен өнер көрсетіп жатыр. Рыбакина – Серена Уильямсты жеңген алғашқы қазақстандық теннисші. Бұған дейін америкалық спортшы отандық теннисшілерді 14 рет қапы қалдырған.
Посмотреть эту публикацию в Instagram
Енді Рыбакина ресейлік Анастасия Павлюченковамен кездеседі. Екеуі жұптық разрядта бірге ойнап жүр. Ресейлік теннисші 31-нөмірмен өнер көрсетеді. Төртінші айналымда Беларусияның өкілі Виктория Азаренконы (15-нөмір 5:7, 6:3 және 6:2 есебімен жеңген. Олардың кездесуі 2 сағат 9 минутқа жалғасты.
Ал Рыбакина Серена Уильямсқа дейін үш қарсыласын жеңген. Олар – француз Эльза Жакемо, жапондық Нао Химино және ресейлік тенисші Елена Веснина.
Оқи отырыңыз: Қазақстандық оқушылар мектепте ұлттық спорт түрлерін меңгереді
Айта кетейік, осы кезге дейін ешкімге есе жібермеген Рыбакина бүгін Нұр-Сұлтан уақыты бойынша сағат 15:00-де Павлюченковамен кездеседі.